Page 1 of 12

186

Advances in Social Sciences Research Journal – Vol.7, No.10

Publication Date: January 25, 2021

DOI:10.14738/assrj.81.9604.

Murimi, J., N. (2021) Mwingiliano Wa Utanzu Wa Modern Taarabu- Mipasho Na Maigizo. Advances in Social Sciences Research Journal,

7(10) 186- 197.

Mwingiliano Wa Utanzu Wa Modern Taarabu- Mipasho Na Maigizo

Jackline Njeri Murimi

School of Education, Tom Mboya University College

A constituent College of Maseno University

Ikisiri

Muziki wa taarab umepata mabadiliko makubwa na kusababisha

kuwepo kwa aina mbili kuu za Taarab: Taarab Asili na Modern

Taarab.Utafiti huu ulihakiki mwingiliano tanzu katika Taarab- Mipasho. Malengo ya Makala hii yalikuwa ni kuchanganua miktadha

mbalimbali ya mwingiliano tanzu katika muziki wa Taarab ya Mipasho

na utanzu wa maigizo na kutathmini dhima ya mwingiliano huo katika

muziki wa Taarab ya Mipasho. Makala hii iliongozwa na nadharia ya

mwingilianomatini iliyoasisiwa na Julia Kristeva (1960) baada ya

kuizua kutokana na nadharia ya Mikhail Bakhtin ya Usemezano

ambapo imetumika kushughulikia mwingiliano tanzu katika Taarab- Mipasho. Pia nadharia hii imetumika katika kufafanulia uhuru na

ubunifu wa mtunzi wa kuingiza vipengele vipya katika kazi. Utafiti huu

ulichukua muundo wa kimaelezo. Ukusanyaji data ulihusisha

usikilizaji, utazamaji na unukuzi daftarini wa nyimbo za Taarab ya

Mipasho ili kupata mistari, vifungu vya maneno na stanza

zilizobainisha mwingiliano tanzu. Sampuli ya utafiti ilikuwa nyimbo 32

za muziki wa Taarab ya Mipasho ambazo ziliteuliwa kumaksudi.

Uchanganuzi na uwasilishaji wa data ulitolewa kwa njia ya maelezo ya

kina yaliyohusisha udondoaji na ufafanuzi wa mistari, vifungu vya

maneno na stanza zenye kudhihirisha mwingiliano tanzu kutoka kwa

data asili. Kutokana na matokeo ya utafiti, mwingilianotanzu mkubwa

ulibainika katika uwasilishaji wa muziki wa Modern Taarab ya

Mipasho uliorejelewa. Utafiti huu unawachochea wahahakiki wengine

wa fasihi simulizi katika kufanya uchunguzi zaidi katika mitindo

mingine ya nyimbo za modern taarab kwa misingi ya nadharia

mbalimbali za fasihi. Aidha, kutokana na utafiti huu, ilitarajiwa kuwa

watafiti wataweza kulinganisha na kulinganua mitindo tofauti ya

taarab. Hatimaye, mtafiti anapendekeza tafiti zaidi zifanywe ili

miongoni mwa mengine, kusuluhisha mgogoro kuhusu taarab ya

mipasho, uwezekano wa kujumuisha nyimbo za taarab miongoni mwa

vipera vya utanzu wa nyimbo katika awamu zote za usomi na uhakiki

wa fasihi simulizi kwani muziki wa taarab na hasa mipasho bado

unahitaji utafiti Zaidi.

Key words: Mwingilianotanzu; Mwingilianomatini; Taarab; Modern Taarab;

mipasho; maigizo